Türkiyədə son bir həftədə 81 vilayətdə barələrində həbs qərarı çıxarılanlara qarşı həyata keçirilən "Çember-24" əməliyyatlarında 4 min 244 şübhəlinin tutulduğu açıqlanıb.
AZXEBER.COM Türkiyə mediasına istinadən xəbər verir ki, bu barədə Nazir Yerlikaya açıqlama verib.
O, açıqlamada bildirib:
"Məhkəmələrimiz tərəfindən barələrində həbs qətimkan tədbiri seçilən şəxslərə qarşı son bir həftədə 81 vilayətdə həyata keçirilən "Çember-24” əməliyyatlarında 4 min 244 şübhəli tutulub.
Əməliyyatlar nəticəsində 0-5 il müddət ərzində axtarışda olan 4 min 158 şübhəli, 5-10 ildir axtarışda olan 31 şübhəli, 10 il və daha çox müddətdir axtarışda olan 55 şübhəli tutulub.
Bunlardan 689-u oğurluq, 374-ü dələduzluq, 151-i soyğunçuluq, 62-si qəsdən adam öldürmə, 125-i cinsi istismar, 717-si narkotik, 73-ü terror, 474-ü qaçaqmalçılıq, 216-sı kibercinayətlər, 1363-ü isə digər cinayətlər səbəbilə həbs olunublar".
Oksana
