Türkiyədə parlament seçkiləri ilə bağlı səsvermə başa çatıb.
AZXEBER.COM-un APA-ya istinadən məlumatına görə, səsvermə Mərkəzi Seçki Komissiyasının qərarına görə, Türkiyə saatı ilə saat 17.00-da bitib.
Seçicilər Türkiyədə 174 236 seçki məntəqəsində səs veriblər. Seçkidə 1 219 652 nəfər görəvli olub.
Xaricə gedən Türkiyə vətəndaşları üçün bu il mayın 8-dən etibarən gömrük-keçid məntəqələrində tərtib olunmuş səsvermə də başa çatıb.
Xaricdə 54 ölkə və 112 nümayəndəlikdə keçirilmiş səsvermənin nəticələrində Türkiyəyə gətirilmiş seçki qutuları da eyni vaxtda açılacaq.
Xaricdəki 2 866 979 seçicidən 931 465-u səsvermədə iştirak edib.
