İki övladının anası olan Hatice Ünlü adlı qadının boğazını kəsərək öldürən şəxs həbs edilib.
AZXEBER.COM Türkiyə mediasına istinadən xəbər verir ki, hadisə Türkiyənin Denizli bölgəsində baş verib.
Həbsxanadan yeni çıxan məhkum Mehmet Köseoğlu (42 yaş) 4 il əvvəl boşandığı keçmiş həyat yoldaşı Hatice Ünlünün (42) yaşadığı evə gedib.
Uşaqlarının əşyalarını almaq üçün mənzilin qarşısında bir müddət gözləyən Mehmet Köseoğlu, Hatice Ünlünün sevgilisi olduğu iddia edilən Həsən Çalışkanla (42) çölə çıxdığını görəndə özündən çıxıb.
Mehmet Köseoğlu yanında gəzdirdiyi bıçaqla cütlüyə hücum edib. Hatice Ünlünün boğazını kəsdikdən sonra Həsən Çalışkanın da döş və boğaz nayihəsindən bıçaqlayıb.
Qanlar içində küçənin ortasında yıxılan Hatice Ünlü xəstəxanada edilən bütün müdaxilələrə baxmayaraq həyatını itirib. Həsən Çalışkanın müalicəsinin davam etdiyi öyrənilib.
Hadisə yerindən qaçan Mehmet Köseoğlu polis qruplarının çalışması ilə qısa müddətdə tutularaq həbs edilib.
Oksana
