Türkiyədə mikroavtobusla minik avtomobilinin toqquşması nəticəsində 2 nəfər ölüb, 1 nəfər isə yaralanıb.
AZXEBER.COM Türkiyə mətbuatına istinadən xəbər verir ki, hadisə Türkiyənin Ərzurum bölgəsində baş verib.
Belə ki, qəza yerli saatla 15:00 radələrində baş verib.
Ferdi Tarhan adlı şəxsin idarə etdiyi avtomobil gölə doğru hərəkət edərkən Əhməd Özdəmirin idarə etdiyi mikroavtobusla üzbəüz toqquşub.
Qəza nəticəsində Tarhan həyatını itirib.
Ətrafdakıların xəbəri üzərinə hadisə yerinə sağlamlıq qrupları sövq edilib.
Avtomobildə ilişib qalan Sima Nebati Alagöz qruplar tərəfindən çıxarılıb.
Yüngül xəsarət alan mikroavtobusun sürücüsü Özdemir və Alagöz təcili yardım maşını ilə xəstəxanaya aparılıb.
Müalicə olunan yaralılardan Alagöz həkimlərin bütün səylərinə baxmayaraq xilas ola bilməyib.
Qəza ilə bağlı araşdırmalara başlanılıb.
Oksana
