Türkiyənin İzmir şəhərində Büşra Karademir adlı qadına təcavüz edən və polis əməkdaşına bəraət verilib.
AZXEBER.COM Türkiyə mətbuatına istinadən xəbər verir ki, dəhşətli hadisə ötən ilin yanvar ayında gerçəkləşib.
Birinci ərindən 4 övladı olan, ikinci dəfə evləndiyi şəxslə ciddi münaqişəsi olan və boşanmaq üçün məhkəməyə müraciət edən Büşra Karademirin əri evə gələn zaman qadın kömək üçün qışqırmağa başlayıb.
Evə gələn polislər Büşra Karademiri aparıblar.
Qadın ifadə verdikdən sonra evinə aparılıb və polis məmuru Süleyman Ay tərəfindən təcavüzə məruz qalıb. Qadın polisi tapança ilə vurub.
İstintaq çərçivəsində Büşra Karademir ifadəsində baş verənləri açıqlayıb. Polis Süleyman Ay polis idarəsində "Bura belə gözəl qadınlar gəlmir” deyərək ona konfet verib, daha sonra yanağına toxunub. İfadə bitdikdən sonra Karademir bölmənin maşınına minib. Karademir, Süleyman Ay və avtomobili idarə edən digər polis məmuru Ş.M. tərəfindən evə aparılıb.
İddiaya görə polis silahını və pencəyini çıxararaq evdə güzgünün qarşısına qoyub, qadını küncə sıxaraq ona cinsi təcavüz edib.
Təcili yardımla xəstəxanaya aparılan polis əməkdaşı müalicəsinin ardından evə buraxılıb.
Hadisədən sonra Büşra Karademir həbs edilib.
Həmin polis əməkdaşı vəzifəsindən uzaqlaşdırılıb.
Büşra Karademir daha sonra sərbəst buraxılıb.
İstintaq tamamlandıqdan sonra hazırlanan iddianamədə; Süleyman Aya "cinsi təcavüzə məruz qoyma, 6 aydan 3 ilədək cinsi zorakılıq" cinayətinə görə 7,5 ildən 15 ilədək həbs cəzası istənilib.
Büşra Karademirə qarşı isə "qəsdən adam öldürməyə cəhd" cinayətindən 9 ildən 15 ilədək, "lisenziyasız odlu silah və güllə almaq, gəzdirmək və ya saxlamaq" cinayətindən isə 1 ildən 3 ilə qədər, cəmi 10 ildən 18 ilədək həbs cəzası tələbi ilə iddia qaldırılıb.
Lakin daha sonra hakim qadını həbs cəzasından məhrum edərək şərti azadlıqdan məhrumetmə cəzası ilə ittiham edib.
Qeyd edək ki, ittiham edilən polis də azadlığa buraxılıb.
