Məlum olduğu kimi bu gün Azərbaycanda Prezident seçkiləri keçirilir.

AZXEBER.COM xəbər verir ki,Seçicilər məntəqəyə gələrək öz səslərini verirlər.Məntəqəyə gələn türkiyəli beynəlxalq müşahidəçilər də seçki prosesindən razı qaldıqlarını bildiriblər.Belə ki, türkiyəli millət vəkilləri Əli Özgündüz və Malik Əjdər Özdəmir bildirib ki, seçki prosesi sakit və öz axarı ilə davam edir. Ə.Özgündüz deyib ki, seçicilər üçün hər cür şərait yaradılıb.“Məntəqədə seçicilər üçün yaradılan imkan təqdirəlayiqdir. Hər kəs gəlib öz səsini sakit və rahat şəkildə verir. Yəqin ki, gün ərzində onlar öz səslərini fəal şəkildə verəcəklər”.Qeyd edək ki, məntəqədə 7 yerli müşahidəçi seçkiləri müşahidə edir.Müşahidəçilərdən Aynur Aşurovanın sözlərinə görə, seçicilər çox fəallıqla bu prosesdə iştirak edirlər.“Hər şey çox azad və demokratik şəkildə nəzərdə tutulduğu kimi davam etməkdədir. Məntəqədə seçicilər üçün hər cür şərait yaradılıb ki, onlar öz səslərini verə bilsinlər”.