Türkiyəli məşhur aktyor Metin Akpınarın illər sonra ortaya çıxan qızının "Bioloji atalıq” iddialarına bir yenisi əlavə edilib.
AZXEBER.COM türk mətbuatına əsasən xəbər verir ki, Metin Akpınarın DNT testi ilə qızı olduğu təsdiqlənən Duyğu Nebioğlunun yeni açıqlaması gündəmi ələ keçirib.
Nebioğlunun "Böyük bacımın atası da məşhur jurnalistdir” sözləri, Türkiyə mətbuatını qarışdırıb. Onun dediyi şəxsin məşhur televiziya aparıcısı, jurnalist Uğur Dündar olduğu ortaya çıxıb.
Gözləmədiyi anda gündəmə gələn atalıq iddialarından sonra jurnalist Uğur Dündar açıqlama verib:
"Bu gün bir qəzetdə mənə qarşı atalıq iddiası qaldırıldığı və iyunda qərar veriləcəyi açıqlanıb. Biz bu günə qədər məhkəmənin çıxardığı məxfilik qərarını ciddi şəkildə yerinə yetirmişik və həmişə susmuşuq. Amma kimlərsə qarşı tərəfdən danışdı, qısaca açıq cavab verim: "Məhkəmə hər iki tərəfi yönləndirdi və son sözü o deyəcək". Məhkəmə tibb müəssisəsi DNT ekspertizası keçirib, bioloji atalıq iddiasını rədd edib".
Aysel
