Artıq sosial şəbəkələrdə Antalyaya, Bodruma, Kuşadasına, Marmarisə və Fethiyeyə 50 % erkən rezarvasiya haqqında informasiyalar yayılıb.
Məsələylə bağlı AZXEBER.COM-a danışan “Era Style” tur operator şirkətinin müdiri Ayxan Əlləzli bu aksiyanın may ayının sonuna kimi davam edəcəyini söyləyib:
“Artıq fevral ayından başlayaraq 50% endirim tədbiq olunmağa başlayıb. 5* otelin 2 nəfərlik otağında adambaşı paketin qiyməti 489 AZN-dən başlayır. Qiymətə ikitərəfli aviabilet, oteldə 7 gecə yerləşmə, hər şeyin daxil olduğu qidalanma, transfer, siğorta və 500 dollar məbləğində kredit xətt daxildir. Sonuncu xidməti heç bir sənəd, zamin tələb etmədən ölkənin aparıcı bankı olan Bank Technique təqdim edir. Beləki, hər rezverdə turistlərin birinə 500 dollar məbləğində kredit açılır, xərclənən pul xərclənən gündən etibarən 6 ay müddətinə heç bir faiz ödəmədən banka qaytarılır. Onuda qeyd edim ki, bu il biz “Silk Way Insurance” şirkəti ilə yeni bir layihəyə başlayırıq. Belə ki, bu il “Erkən Rezervasiya 2013” xidməti üzrə edilən bütün xidmətlər turistin istəyi əsasında siğortalana bilər. Bu halda turist 100% cəriməni ödəməkdən azad olur. Eyni zamanda səyahət yoldaşının da cəriməsini siğorta şirkəti ödəyir. Bu siğortanı səyahət paketi əldə etdiyiniz şirkətdən əldə edə bilərsiniz. Turpaketləri bütün turizm şirkətlərindən əldə edə bilərsiniz".
