"Qəbələ" klubunun 19 yaşadək futbolçulardan ibarət komandasının UEFA Gənclər Liqasının I mərhələsindəki potensial rəqiblərinin sayı azalıb.
AZXEBER.COM UEFA-nın rəsmi saytına istinadən xəbər verir ki, "qırmızı-qaralar" ilk raundda 7 mümkün rəqibdən biri ilə üz-üzə gələcək.
Zaur Hacıyevin baş məşqçi olduğu komanda "Rux" (Ukrayna), "Hayduk" (Xorvatiya), MTK (Macarıstan), "Zaqlembe" (Polşa), "Trençin" (Slovakiya), "Jalgiris" (Litva), "Yelqava" (Latviya) kollektivlərindən biri ilə üz-üzə gələcək.
Qeyd edək ki, avqustun 31-də UEFA Gənclər Liqasında I və II mərhələnin püşkü atılacaq. Tədbir Bakı vaxtı ilə saat 15:00-da start götürəcək. I mərhələnin ilk oyunları sentyabrın 14-də, cavab qarşılaşmaları oktyabrın 5-də, II mərhələnin ilk matçları oktyabrın 26-da, cavab görüşləri isə noyabrın 2-də keçiriləcək.
