"Saray"ın qiyməti içindəkilərlə birgə 100 milyon dollar dəyərində qiymətləndirilir
Ötən gün Kiyevdə qaçmış prezident Viktor Yanukoviçin "Mejiqorye" iqamətgahından sonra bu gün də jurnalistlər baş prokuror olmuş Viktor Pşonkanın mülkünə giriblər. ANS PRESS-in məlumatına görə, prokuroroun evi Kiyev yaxınlığındakı Koreniçi Kievo kəndində yerləşir.
Mülkün içərisi soyuq silah kolleksiyası, qiymətli mebel, bülluur aksesuarlar, Faberji məhsulu olan yumurtalarla dolu olub.
Görünüşə görə, baş prokuror da prezident kimi lüksü sevib. "Saray"ın qiyməti içindəkilərlə birgə 100 milyon dollar dəyərində qiymətləndirilir. İqamətgah bu gün səhərdən xüsusi mühafizə dəstəsi tərəfindən mühafizə edilməyə başlanılıb.
