Ukraynanın Daxili İşlər Naziri İqor Klimenko Rusiya ordusunun Ukraynaya raket və pilotsuz uçuş aparatları (PUA) ilə həyata keçirdiyi hücumlarda 12 nəfərin öldüyünü, 60-dan çox insanın isə yaralandığını açıqlayıb.
AZXEBER.COM xarici mətbuata istinadən xəbər verir ki, Klimenko Telegram hesabındakı paylaşımında rusların bu gecə ölkəsinə raket və PUA ilə hücum etdiyini xatırladıb.
Rusiyanın 13 bölgədə hücumlara başladığını qeyd edən Klimenko, "Mülki vətəndaşların evləri hədəfə alındı. 80-dən çox yaşayış məntəqəsinə ziyan dəydi" ifadələrdən istifadə edib.
Klimenko hücumlarda 3-ü uşaq olmaqla 12 nəfərin öldüyünü, 60-dan çox adamın isə yaralandığını bildirib.
Nazir həmçinin qeyd edib ki, ölkənin müxtəlif bölgələrində axtarış-xilasetmə işləri davam edir.
Gülay
