Uzun müddətdir ekranlardan uzaq olan "Möcüzə Doktor" serialındakı məşhur gənc aktyor Taner Ölmezin yeni layihəsi bəlli olub.
AZXEBER.COM Türkiyə mediasına istinadən xəbər verir ki, məşhur aktyor Ampute Futbol Milli Komandasının ulduzu Barış Tellinin həyat hekayəsindən bəhs edən "Hüzurlu Yaşam” filmi ilə ekranlara qayıdacaq.
Aktyor gənc yaşlarında baş verən uğursuz qəza nəticəsində xəyallarını itirən, lakin bir an belə mübarizədən vaz keçməyən paralimpiyaçı Barış Tellini canlandıracaq.
Rejissoru Ekin Pandır, ssenari müəllifi Koray Yeltekin, "Four Story Production" tərəfindən çəkilən "Hüzurlu Yaşam" filminin ssenari məsləhətçisi Burak Göral olub.
Filmin çəkilişləri avqustun 28-də başlayacaq. Filmin bir hissəsinin reallıq qavrayışını gücləndirmək üçün Barış Tellinin məmləkəti Kırıkkaledə çəkilməsi planlaşdırılır.
Qeyd edək ki, bir ay yarım müddətə bitirilməsi planlaşdırılan filmin 2024-cü ilin fevralında tamaşaçılara nümayiş etdirilməsi gözlənilir.
Mikayıl
