"Sabaha mitinq təyin edirəm, saat 3-də Xankəndidə aksiya keçirəcəyik".
AZXEBER.COM Sfera.az-a istinadən xəbər verir ki, bunu qondarma rejimin "dövlət naziri" Ruben Vardanyan sosial şəbəkə hesabındakı canlı yayımda bildirib. R.Vardanyan Qarabağ ermənilərini "qələbəyə" səsləyib.
"Mən hamını o mitinqdə iştirak etməyə, gücümüzü göstərməyə, birlikdə olduğumuzu, Artsax xalqının böyük qüvvə olduğunu göstərməyə çağırıram. Əlbəttə, bizim müstəqilliyimizi, təhlükəsizliyimizi, inkişaf planlarımızı həyata keçirmək üçün hələ çox yolumuz var, lakin biz başqa yolla qələbə qazana bilmərik. Biz bir-birimizə qarşı dürüst və ədalətli olmalıyıq. Hamımız eyni şərtlər, qanunlar altında çalışırıq", - deyə o bildirib.
Qeyd edək ki, Şuşa ərazisində Rusiya sülhməramlılarının nəzarətində olan yolun bir hissəsində azərbaycanlı aktivistlər və ekologiya üzrə qeyri-hökumət təşkilatlarının (QHT) üzvləri tərəfindən Qarabağ iqtisadi rayonunda ekoloji terrora son qoyulması tələbi ilə etiraz aksiyası keçirilir.
