'Vaxt var idi ki, Rusiya bu kəmərin açılması üçün dəridən-qabıqdan çıxırdı' - Sərdar Cəlaloğlu
SİYASƏT
16:51 15.05.2013
1878
Rusiyanın baş naziri Dmitri Medvedyev 1996-cı ildən qüvvədə olan Bakı-Novorossiysk neft kəmərini bağlamaq və razılaşmanın ləğvi barədə sərəncam verib və Azərbaycan tərəfini öhdəliklərinə əməl etməməkdə günahlandırıb. Qəbələ RLS-in qapadılmasının və silah satışının dayandırılmasının ardınca bu Rusiya ilə Azərbaycan arasında olan ikinci problemdir ki, ortaya çıxır.Bəs görəsən, nə baş verir ki, Rusiya Azərbaycana qarşı ikinci təzyiq rıçağından istifadə edir?Məsələ lə bağlı AZXEBER.COM-a açıqlamasında Azərbaycan Demokrat Partiyasının sədri (ADP) Sərdar Cəlaloğlu bildirdi ki, bütün bunlar seçkiqabağı Azərbaycan iqtidarına təzyiqlərdir: “Bu kəmərin sökülməsi Bakıya təziqdir. Vaxt var idi ki, bu kəmərin açılması üçün Rusiya dəridən-qabıqdan çıxırdı, amma bu gün rahatca bundan imtina edirlər. Bütün bunlar hamısı seçkiqabağı Azərbaycana, Azərbaycan iqtidarına təzyiqdir. Düşünürəm ki, Rusiyaya münasibətdə təmkinli siyasət aparılmalıdır. Hər halda bizim Gürcüstandan, Türkiyədən keçən alternativ kəmərlərimiz var. Üstəlik bu kəmərlər interaktivliyinə görə kifayət qədər əlverişlidir. Sadəcə olaraq bu kəmər Rusiya Azərbaycan arasında müəyyən əlaqələr yaradırdı ki, görünür, Rusiya bu əlaqələrdən bir müddətlik uzaqlaşmaq istəyir”.Fatimə İbrahimova
