Venesuelada keçirilən prezident seçkilərində müxalifət koalisiyasının namizədi Edmundo Qonzales tezliklə Karakasda olacağını bildirib.
AZXEBER.COM xarici mətbuata istnadən xəbər verir ki, Dominikan Respublikasına səfər edən Qonzales paytaxt Santo Dominqodakı Sarayda prezident Luis Abinader tərəfindən qəbul edilib.
"Hamımız bir-birimizi çox yaxında Karakasda, azadlıqda görəcəyik. Venesuela tarixinin ən pis zülm dövründən keçir" - deyə Qonzales açıqlamasında bildirib.
Qonzales Venesuela prezidenti Nikolas Maduronun təkcə ölkə üçün deyil, bütün region üçün təhlükə yaratdığını iddia edərək, venesuelalıların bu mübarizəni sona qədər davam etdirəcəyini vurğulayıb.
Qeyd edək ki, Qonzales prezident andı içmək üçün yanvarın 10-da Venesuelaya gedəcəyini açıqlayıb.
Gülay
