Xəbər verdiyimiz kimi, 2016-cı il sentyabrın 26-na təyin edilmiş ümumxalq səsverməsində (referendumda) “Vətəndaş Cəmiyyəti” referendum üzrə təşviqat qrupu tərəfindən vəkil edilmiş şəxslər təyin edilmiş və onların qeydə alınması üçün müvafiq sənədlər Azərbaycan Respublikasının Mərkəzi Seçki Komissiyasına təqdim edib.
Mərkəzi Seçki Komissiyası bununla əlaqədar qanunvericilikdə nəzərdə tutulmuş müddətdə və qaydada müvafiq araşdırma aparıb, həmin şəxslərin qeydə alınması üçün hüquqi əsasların olmasını müəyyən edib.
Yuxarıda qeyd edilənləri əsas götürərək, Azərbaycan Respublikasının Mərkəzi Seçki Komissiyası Azərbaycan Respublikası Seçki Məcəlləsinin 19.4-cü, 19.14-cü, 28.2-ci, 28.4-cü və 72-ci maddələrinə əsasən qərara alır:
1. 2016-cı il sentyabrın 26-na təyin edilmiş ümumxalq səsverməsində (referendumda) aşağıdakı şəxslər “Vətəndaş Cəmiyyəti” referendum üzrə təşviqat qrupunun vəkil edilmiş şəxsləri kimi qeydə alınsınlar:
Abbasov Aqil Məhəmməd oğlu (millət vəkili)
Ağamalı Fəzail Rəhim oğlu (millət vəkili)
Alıyev Sahib Eyvaz oğlu (millət vəkili)
Bayramov Kamran Fərhad oğlu (millət vəkili)
Əliyev Bəxtiyar Həmzə oğlu (millət vəkili)
Əsgərli Asif Məmməd oğlu (Azərbaycan Demokratik Tələbə Gənclər Təşkilatının sədri)
Feyziyev Cavanşir Əyyub oğlu (millət vəkili)
Həsən-zadə Fəxrəddin Nazim oğlu (Gənclər üçün Təhsil Mərkəzinin icraçı direktoru)
İbrahimli Fəzail Feyruz oğlu (millət vəkili)
Qasımlı Musa Cəfər oğlu (millət vəkili)
Qənizadə Çingiz Aşralı oğlu (millət vəkili)
Qurbanov Fərasət Şəkur oğlu (QHT-lərə Dövlət Dəstəyi Şurasının icraçı direktoru, “Səhhət” İctimai Fondu sədrinin müavini)
Mehdiyev Nurəddin Səftər oğlu (“Bizim Nəsil” Gənclərin Regional İnkişaf Mərkəzinin sədri)
Məcidov Rəşad Museyib oğlu (525-ci qəzetin baş redaktoru)
Məmmədov Elman Camal oğlu (millət vəkili)
Mirzəzadə Rəna Rza qızı (Fəlsəfə elmləri doktoru)
Muradov Fuad Rauf oğlu (millət vəkili)
Musayev Elşən Məmmədhənifə oğlu (millət vəkili)
Nəsirov Elman Xudam oğlu (millət vəkili)
Niyazov Xalid Qüdrət oğlu (əməkdar jurnalist)
Nuriyev Əliməmməd Mali oğlu (“Konstitusiya” Araşdırmalar Fondunun prezidenti)
Oruc Zahid Məhərrəm oğlu (millət vəkili)
Orucov İlqar Nəcibəddin oğlu (Azərbaycan Gənc Alim, Aspirant və Magistrlər Cəmiyyətinin sədri, AMEA Gənclərin İntellektual İnkişaf Mərkəzinin direktoru)
Rzayev Rövşən Şükür oğlu (millət vəkili)
Şahbazlı Fərid Tahir oğlu (İslahatçı Gənclər İctimai Birliyinin sədri)
AZXEBER.COM-un məlumatına görə, siyahıda 25 nəfər yer alır. Onlardan 15-u millət vəkili, 7-ci QHT nümayəndəsi, 2-si jurnalist, 1-i isə elm adamıdır.
Eyni zamanda onu da qeyd edək ki, 25 nəfərlik siyahıda yaşı 29-a çatmamış 2 gənc təmsil olunur. Bunlar "İslahatçı Gənclər İctimai Birliyi"nin sədri Fərid Şahbazlı (25 yaş) və Gənclər üçün Təhsil Mərkəzinin icraçı direktoru Fəxrəddin Həsənzadədir (25 yaş).
