Suda, quruda və səmada vətənin keşiyini çəkən sərhədçilərimiz ordumuzu yenilməz edir.
Vətənimizə gələn hər kəsi şərəfli sərhədçi qarşılayır.
Bü gün Azərbaycan sərhədçiləri sərhədlərimizin toxunulmazlığını təmin edərək beynəlxalq terrorizmə qarşı qeyri-leqal miqrasiyaya, qaçaqmalçılğa, narkotik vasitələrinin qanunsuz dövrüyyəsinə qarşı qətiyyətli mübarizə aparır.
Müstəqillik illərində Azərbaycan Silahlı Qüvvələrinn yaradılmasına nail olan ulu öndərimiz Heydər Əliyev Sərhəd Qoşunlarının formalaşdırılması,ölkəmizin sərhədlərinin qorunması işinin təşkili istiqamətində əvəzsiz xidmət göstərdi. Məhz umumilli liderimiz Heydər Əlievin sayəsində Azərbaycan milli sərhəd siyasətinin əsası qoyuldu, sərhəd strategiyası müəyyənləşdirildi. Odur ki, üçrəngli bayrağımız ilk dəfə Naxçıvan Sərhad dəstəsində qaldırılmasından, sərhədlərimizdə ilkin zəruri infrastrukturunun yaradılmasından tutmuş Dövlət Sərhəd Xidmətinin təşkilinə qədər bütün proseslər ulu öndərimiz Heydər Əliyevin adı ilə bağlıdır.
Bu gün Ali Baş Komandan İlham Əliyev tərəfindən göstərilən qayğı nəticəsində DSX-nin maddi-texniki bazası güclənir və Azərbaycan sərhəd mühafizəsində istifadə olunan yeni texnologiyaların tətbiqi, sərhəd mühafizəsinin daha da yüksək səviyyədə təşkilinə şərait yaradır. Son illərdə sərhəd mühafizəsində böyük quruculuq işləri həyata keçirilib. Çoxsaylı sərhəd infrastrukturu yaradılıb, texniki imkanlar artıb. Təlimlər zamanı hər zaman yüksək döyüş hazırlığı nümayiş etdirən sərhədçilərimiz bu imkanlardan yararlanırlar. Keçirilən genişmiqyaslı taktiki təlimlər sərhədçilərin peşəkarlıq səviyyəsinin artmasında xüsusi əhəmiyyət kəsb edir.Silahlı Qüvvələrin Ali Baş Komandanı, Prezident İlham Əliyevin DSX-nin hərbi hissə və bölmələrinə dəfələrlə səfər etməsinin Dövlət Sərhəd Xidmətinə göstərilən diqqət və qayğı bariz nümünəsidir.
Dövlət Sərhəd Xidmətinin fəaliyyətində sərhədçilərin sosial məsələlərinin həlli xüsusi diqqət mərkəzindədir. Qeyd olunmalıdır ki, sosial məsələlərin həllinə göstərilən diqqət öz mənbəyini Ali Baş Komandanın bu sahəyə göstərdiyi xüsusi himayədarlıqdan alır. Sərhədçilərlə görüşləri zamanı ölkə Prezidenti sərhəd mühafizəsi işinin təşkili, texniki avadanlıqlarla təminat, tikinti-quruculuq işləri, mənəvi, fiziki və psixoloji hazırlıq məsələləri ilə yanaşı, şəxsi heyətin sosial-məişət şəraiti ilə də daim maraqlanır. Dövlət başçısı hətta əsgər yataqxanalarına baş çəkir, əsgər yeməkxanalarında nahar edir. Sərhədçilərin sosial-məişət şəraitinə göstərilən bu qayğı uğurlu nəticələrin əldə edilməsində çox mühüm rol oynayır.
Dövlət Sərhəd Xidmətinin rəisi general-polkovnik Elçin Quliyev Azərbaycan Sərhəd Mühafizəsinin təşəkkülü və formalaşdırılması, milli sərhəd mühafizə qüvvələrinin çətin və şərəfli inkişaf yolunun təşkili, dövlət sərhədlərinin mühafizəsində uğurla xidmət göstərir. Bu gün əldə olunmuş təcrübə və mövcud imkanlar sərhədlərin fasiləsiz mühafizəsini təmin etməyə, hadisələrə çevik reaksiya verməyə imkan yaradıb.
XALQ.AZ İnformasiya Agentliyinin baş redaktoru Zaur Mirzə-zadə
