Əməkdar artist Vahid Əliyevin səhhətində problemlər olduğu, aktyorun xəstəxanaya yerləşdirildiyi bildirilib.
AZXEBER.COM aktyorun səhhəti ilə bağlı məlumat almaq üçün onun özü ilə əlaqə saxlayıb.
Aktyor özünü yaxşı hiss etdiyini, tezliklə evə buraxıılacağını bildirib:
"İki gün öncə gecə saatlarında halım pisləşmişdi. Ara bir təzyiqim aşağı düşür. Xəstəxanaya yerləşdirildiyim doğrudur. Mən bütün həkimlərimə təşəkkür edirəm. Onlar gecə saat 04:00-dan etibarən mənim üçün əziyyət çəkdilər. Allah onlardan razı olsun. Bu dövlətimizin sənətkara olan qayğısının göstəricisidir. Bu bizim səhiyyəmizin mənə yox, Azərbaycan mədəniyyətinə verdiyi dəyərdir ( ağlayır.red ). Çox güman ki, 2-3 günə özümü bir az da toparlayıb xəstəxanadan çıxacağam. Allah mənə dua edən və pis günümdə məni unutmayan hər kəsdən razı olsun".
Xatırladaq ki, aktyorun oğlu verdiyi açıqlamada atasının xəstəxanaya yerləşdirərək süni nəfəs aparatına qoşulduğunu bildirmişdi.
Aysel Hacızadə
