Rusiya Güləş İdmanı Federasiyasının (RGİF) I vitse-prezidenti Adlan Varayev çaya yıxıldıqdan sonra yoxa çıxıb.
Qaynarinfo.az xəbər verir ki, bu barədə TASS-a RGİF-in prezidenti Mixail Mamiaşvili açıqlama verib.
O bildirib ki, insident Varayevin vətəni olan Çeçenistanda baş verib: "Adlan hələ də tapılmayıb. Hamımız ona görə dua edirik".
Varayev Arqun dərəsindən təbiəti çəkərkən və ya "selfi" edərkən, 30-40 metr hündürlükdən çaya düşüb. Onun hadisə yerində olan maşınında bütün sənədləri aşkarlanıb.
Qeyd edək ki, Adlan Varayev olimpiya medalı qazanan ilk çeçendir. O, 1988-ci il Seul olimpiadasında sərbəst güləş yarışlarında gümüş medala sahib olub. Bundan əlavə, o, 1987-ci il dünya çempionatının qalibi, 1986-cı il mundialının gümüş mükafatçısıdır. //report
