Meta-nın yeni planı WhatsApp-ı sadəcə şəxsi mesajlaşma vasitəsi olmaqdan çıxarıb, məzmun yaradıcıları, bizneslər və ictimai şəxslər üçün ticariləşdirilmiş bir platformaya çevirməyi hədəfləyir.
AZXEBER.COM xarici mediaya istinadən xəbər verir ki, bu dönüşüm iki əsas xüsusiyyət ilə formalaşır:
1. Abunəlik əsaslı kanallar – "İzləmək” kifayət etmir, artıq "Abunə ol” dövrü başlayır.
WhatsApp Kanallarında bəzi məzmunlar yalnız ödənişli abunələrə təqdim edilə bilər. Kanal idarəçiləri – məsələn, bir influencer, musiqiçi, jurnalist və ya idman klubu – özəl məzmunlarını yalnız ödəniş edən istifadəçilərə göstərə biləcəklər.
Beləliklə, məzmun yaradıcılarına birbaşa gəlir əldə etmə imkanı veriləcək. WhatsApp, Instagram və ya YouTube-dakı "abunəlik” modellərinə bənzər şəkildə qazanc əldə edilə bilən bir məzmun platformasına çevriləcək.
Kimə sərfəlidir?
* Jurnalistlər (yalnız abunələrə özəl analizlər/müsahibələr),
* Sənətçilər (səhnəarxası görüntülər, klip ön izləmələri),
* İdman klubları (komandaya özəl məzmunlar),
* Təlimçilər və müəllimlər (özəl dərs seriyaları) kimi peşə sahibləri üçün yeni gəlir modelidir.
2. "Önə çıxarma” (Promosyonlu kanallar) – Pul verən daha görünən olacaq.
Kanal sahibləri, WhatsApp daxilindəki "kanallar” kəşf et bölməsində yuxarı sıralarda çıxmaq üçün ödəniş edə biləcək. Bu sistem Google-da sponsorlu axtarışlar və ya Instagram-da "promoted post” anlayışına bənzəyir.
Ödəniş edən kanal daha çox istifadəçiyə tövsiyə ediləcək. Hədəfləmə ölkə/dil/əlaqə kimi sadə filtrlərə əsaslanacaq.
Bu yeniliklərin mənfi tərəfləri də var:
* Orqanik böyümə çətinləşə bilər.
* İzləyici sayını artırmaq istəyən məzmun yaradıcıları reklam büdcəsi ayırmaq məcburiyyətində qala bilər.
* Bu da platformada bir növ "rəqabətli məzmun bazarı” yaradacaq.
Oksana
