WhatsApp yeni funksiyasını təqdim edib.
AZXEBER.COM xarici mətbuata istinadən xəbər verir ki, "WhatsApp" Android proqramının ən son beta versiyasına qrup zənglərinin planlaşdırma funksiyasını əlavə edib.
Planlaşdırma funksiyası həm video zənglər, həm də səsli zənglər üçün aktiv edilib.
Yeni əlavə olunan bu xüsusiyyət insanlara qrup söhbətini planlaşdırmağı və bu barədə qrupdakı bütün iştirakçılara bildirməyi asanlaşdırır.
Bu xüsusiyyət həmçinin, söhbətə mesaj şəklində və zəngə qoşulma seçimi əlavə etməklə iştirakçıların qrup zənginə qoşulmasını asanlaşdırır.
Yeni funksiyaya daxil olmaq üçün axtarış düyməsini sıxmaq tələb olunur. Sonra "WhatsApp" səsli və ya video zəng etmək istədiyinizi soruşur.
Yeniləmə ilə istənilən variantı seçdikdən sonra proqram sizdən dərhal qrup zəngi etmək və ya zəngi planlaşdırmaq istəyib-istəmədiyinizi soruşur.
Planlaşdırma seçimini edildikdən sonra "WhatsApp" zəng üçün tarix və saatı seçməyə imkan verir.
Etməli olduğunuz yeganə şey "Göndər” düyməsini klikləməkdir və WhatsApp "Zəngə qoşul” və "Ləğv et” seçimləri ilə qrupa zəng haqqında mesaj göndərir.
Günel
