Xaçmaz rayonunun Çarxı kəndində 3 nəfərin ölümü, 3-nün isə yaralanmasə ilə nəticələnən ağır yol nəqliyyat hadisəsi baş verib. ANS PRESS-in bölgə müxbirinin verdiyi məlumata görə, hadisə ötən axşam Qəndob – Yalama yolunun 14-cü kilometrliyində “Qaz-24”, “Hyundai” və “VAZ 21010” markalı minik avtomobillərinin toqquşması nəticəsində meydana gəlib.BDYP idarəsi əməkdaşlarının verdiyi məlumata görə, Bakı – Xaçmaz istiqamətində hərəkət edən “Hyundai-Sonata” kafedən çıxmaqda olan “Vaz 21010” markalı avtomobilə çıpılıb. Bakı istiqamətində hərəkət edən, Sumqayıt sakini Əliyev Vəlyəddinə məxsus “Qaz-24” isə qəzaya məruz qalmış həmin avtomobillərlə toqquşub.Qəza nəticəsində həyatını itirənlər 42 yaşlı Əliyev Vəlyəddin, onun 4 yaşlı oğlu Əliyev İsmayıl və onun qaynı 48 yaşlı Məmmədov Məhəmmədəlidir.Qəzada Ə. Vəlyəddinin həyat yoldaşı 39 yaşlı Ə. Fəridə, 5 yaşlı qızı Ə. Sara və “Hyundai-Sonata”nın sürücüsü 27 yaşlı Kürdəmir sakini Zeynalov İntiqam Tahir oğlu müxtəlif dərəcəli bədən xəsarətləri ilə xəstəxanaya çatdırılıblar. Həkimlər az yaşlının vəziyyətinin ağır olduğunu, təcili qana ehtiyac olduğunu bildiriblər.Qeyd edək ki, qəzadan sonra “Vaz 21010” sürücüsü və iki sərnişin hadisə yerindən yayınıblar.İlkin ehtimallara görə, qəzaya səbəb kimi "Vaz 21010" sürücüsü Şabran rayon sakini Zamiq Babayevin idarə etdiyi avtomobillə magistral yola çıxması göstərilir.
