"Real Madrid"in yarımmüdafiəçisi Xames Rodriqes karyerasını "Atletiko Madrid"də davam etdirə bilər.
AZXEBER.COM goal.az-a istinadən xəbər verir ki, "Atletiko Madrid" bu transferi həyata keçirməyə yaxındır. Kolumbiyalı yarımmüdafiəçi Zinəddin Zidanın planlarına daxil deyil. Paytaxt klubu yay transfer pəncərəsi bağlanana qədər Xamesi satmağı planlaşdırır.
Qeyd edək ki, 28 yaşlı futbolçunu "Napoli" də transfer etmək istəyirdi. Lakin kolumbiyalı Madriddə qalmağı daha üstün tutub.
