AZXEBER.COM xəbər verir ki, Azərbaycanın birinci prezidenti Ayaz Mütəllibov bu fikirləri Musavat.com-a açıqlamasında bildirib. Ev şəraitində müalicə aldığını deyən eks-prezident səhhətində problemlərin olmasına baxmayaraq, Qarabağ ətrafındakı mövcud durumla bağlı fikir söyləyib. O qeyd edib ki, imkan düşəndə dövlət başçısının Qarabağa səfərlərini izləyir, çıxışlarını dinləyir:
"Prezidentin siyasəti tamamilə bəyənilir. Bu siyasət bütün problemlərin həllinə yönəlib. Ümidvaram ki, belə də olacaq".
Bununla belə, sabiq prezident müəyyən məsələlərə görə ehtiyatlandığını da vurğuladı:
"Bilirsiniz də, ermənilər çox məkrlidirlər. Amma hadisələri izləyirik, görək nə olacaq. İstənilən halda, gələcəyə inamla baxmaq lazımdır. Şəxsən mənim əminliyim var ki, biz bundan sonra da qələbə çalacağıq, buna şübhəm yoxdur. Xankəndiyə də, Xocalıya da qayıdacağıq və ermənilərin dedikləri sadəcə özlərinə qalacaq".
A.Mütəllibov hesab edir ki, Qarabağdakı ermənilərdən kimlərsə Azərbaycan vətəndaşlığını qəbul edəcəksə, o, burada yaşamaq hüququ əldə edəcək, əksi mümkün deyil.
Vaxtilə Qarabağda komsomol işçiləri olan S.Sərkisyan və R.Köçəryanın quldurluqla məşğul olduqlarını deyən A.Mütəllibov qeyd edib ki, onun vəzifədə olduğu dönəmlərdə bu şəxslər heç vaxt ciddi qəbul olunmayıb.
