Rəşad Məmmədov Füzuli rayonu ərazisində yerləşən hərbi hospitaldadır
Cəbhənin Xocavənd istiqamətində Ermənistan ordusunun açdığı atəş nəticəsində yaralanan milli ordumuzun əsgəri Rəşad Məmmədovun vəziyyəti qənaətbəxşdir. O hazırda Füzuli rayonu ərazisindəki hərbi hospitaldadır. 22 yaşlı Rəşad Məmmədov əslən Goranboy rayonunun Tatarlı kəndindəndir. Həqiqi hərbi xidmətini 2008-ci ildə başa vurduqdan sonra könüllü olaraq müddətdən artıq xidmət üçün orduya yollanıb. Əsgərin yaralanması xəbərini ailəsi ANS-in çəkiliş qrupundan öyrənib. Yaralanan əsgərin əmisi İlham Məmmədov deyir ki, qardaşı oğlu ilə telefonla danışıb: «Danışdım, dedi yüngül yaralanmışam, yaxşıyam. Həm də dedi ki, snayperlə vurdular».
