Bakının Xətai rayonunda yerləşən 95 saylı orta məktəbdə baş verən yanğın hadisəsi ilə əlaqədar tədris prosesi müvəqqəti dayandırılıb.
AZXEBER.COM xəbər verir ki, Xətai Rayon İcra Hakimiyyətinin başçısıRazim Məmmədov bu barədə məktəbdə valideynlərlə görüşündə deyib.
Onun sözlərinə görə, hadisə ilə bağlı şagirdlərdə psixoloji gərginlik var və bu gün tədris müvəqqəti dayandırılacaq. Eyni zamanda məktəbdə təmizlik işlərinin görülməsinə ehtiyac var.
R.Məmmədov qeyd edib ki, sabahdan etibarən məktəbdə tədris prosesi bərpa olunacaq.
Bakı Şəhəri üzrə Təhsil İdarəsinin müdiri Məhəbbət Vəliyeva report-adeyib ki,məsələ ilə əlaqədar məktəb rəhbərliyi lazımi tədbirlər görəcək:
"Ayaz Məhərrəmov adına 95 saylı tam orta məktəbdə baş verən yanğınla əlaqədar orada təhsil alan şagirdlər arasında müəyyən gərginlik yaşanıb. Təbii ki, gərginliyin aradan qalxması üçün müəyyən vaxt lazımdır".
İcra Hakimiyyətindəki mənbədən isə bildirilib ki, yanan korpusda təhsil alan şagirdlərin dərsi ikinci növbədə aparılacaq.
Xatırladaq ki, yanan korpusda ibtidai sinif şagirdlərinin təhsil almaları üçün 4 sinif otağı olub.Qeyd edək ki, Fövqəladə Hallar Nazirliyindən verilən məlumata görə, bu gün səhər saatlarında məktəbin giriş hissəsindəki otaqlardan birində mebel yanıb. Yanğının baş verməsinin səbəbləri araşdırılır. Şagirdlər dərhal hadisə yerindən təxliyə olunublar.
///Azvision.az
