Xəbər verdiyimiz kimi, hakim Yeni Azərbaycan Partiyası dünən deputatlığa namizədlərin siyahısını açıqlayıb.
Noyabr ayının 1-də keçiriləcək parlament seçkilərində deputat mandatı əldə etmək iddiasında olan tanınmış müxalifətçilər də artıq müxtəlif dairələr üzrə namizədliklərini irəli sürüblər. Müsavat Partiyasının sabiq başqanı İsa Qəmbər 15 saylı Yasamal 1-ci Seçki Dairəsindən namizədliyini verib.
AZXEBER.COM xəbər verir ki, YAP İsa Qəmbərə rəqib kimi gənc namizəd irəli sürüb. 28 yaşlı YAP üzvü Aslanov Bayram Mirazim oğlu Memarlıq və İnşaat universitetinin Tələbə Həmkarlar İttifaqı Komitəsinin sədridir. O adıçəkilən universitetdən məzun olub.
