Yarıçılpaq şəkli yayılan azərbaycanlı müğənni danışdı - FOTOLAR » Azxeber.com Azərbaycanda özəl xəbərlər, araşdırmalar, təhlillər və müsahibələrin tək ünvanı

Facebook sosial şəbəkəsində H.N adlı bir xanım şəxsən özü çəkdiyi Elçin Cəfərovun yarıçılpaq fotosunu yayıb. Həmin xanım milli.az-a açıqlamasında müğənniyə acıqlı olduğunu və Elçini məhkəməyə verdiyini bildirdi:"Elçin əslində şəkil ilə bağlı bu gün mənə çox zəng edib, ancaq məni onun heç bir zənglərinə cavab verməmişəm. Bu şəkil adi bir şəkil deyil, bu, onun ən zəif yeridi deyə, bununla Elçindən mən acıq çıxıram.Bundan öncə o, mənə demişdi ki, əgər şəkili yayımlasam, aramızda davalar çox olacaq. Hal-hazırda Eçinin körpə qızı var və o heç bir aliment vermir, buna görə də mən onu məhkəməyə vermişəm.Əvvəllər mən həmin şəkili vermək istəmirdim, ancaq bu gün ürəyimdən keçdi şəkili yayımlamaq və həmin şəkili mən özüm çəkmişəm. Bu artıq sondu, bundan sonra mən heç kəsin yalvarmağına, ürək getməsinə, stressinə fikir verməyəcəm".Sonda xanım onu qeyd etdi ki, ürək xəstəliyindən əziyyət çəkən müğənnin bütün xəstəlikləri qızına keçib və balaca körpə hal-hazırda ürəyindən xəstədir.Müğənni Elçin Cəfərovla əlaqə saxlasaq da, telefona onun dostu və meneceri Azər Şirin cavab verdi.Olaydan artıq xəbərdar olduğunu bildirən Azər bununla bağlı nə Elçinin, nə də ki özünün heç bir açıqlama verməyəcəyini bildirdi."Bu haqda hal-hazırda danışmaq istəmirik, nə mən, nə də ki Elçin. Bir az səbirli olun, inşAllah, bu yaxınlarda bütün media nümayəndələrinə necə lazımdır açıqlama verəcəyik".

AZXEBER.COM xəbər verir ki, Elçin Cəfərov yayılan bu xəbərlə bağlı açıqlama yayıb. Həmin açıqlamanı təqdim edirik:

İlk olaraq diqqətinizə çatdırmaq istəyirik ki, H.N. bu iddiasını əsaslandırmaq üçün DNA analizinə getməli və bunu sübut etməldir. Ki, bu Elçin Cəfərov tərəfindən həmin şəxsə aylar öncə təklif edilib. Və deyilib ki, əgər uşaq həqiqətən Elçin Cəfərova aiddirsə, o zaman köməklik göstərməkdən boyun qaçırmayacaq. Amma nədənsə H.N. bu addımı atmaqdan çəkinib. Maraqlıdır, təzminat almaq istəyən şəxs, övladının gələcəyini və sağlamlığını düşünən qadın, nəyə görə bu təşəbbüsdən boyun qaçırır? Və ümumiyyətlə, hansı özünə hörmət eləyən “ana”, atasız övlad dünyaya gətirməyə razı ola bilər?

Bu sualın cavabını Sizin vicdan mühakimənizə buraxırıq. Daha sonra H.N. iddia edir ki, Elçin Cəfərovu bu məsələylə bağlı məhkəməyə verib. Onu da qeyd edək ki, H.N. məhkəməyə şikayət ərizəsiylə ilk dəfə bu ilin fevral ayında müraciət etdiyini, şəxsən Elçin Cəfərovun mətbuat katibi Kazım Sübhanla yazışmasında ona bildirib. Amma nədənsə indiyə kimi Elçin Cəfərova, iddiayla bağlı məhkəmədən heç bir müraciət gəlməyib. Əgər H.N. tərəfindən ortalığa atılan bu iddia doğrudursa, o zaman nəyə görə hələ də məhkəmə prossesi başlamayıb? Və nəhayət şəkillə bağlı qaranlıq qalan məqama açıqlama gətirmək istəyirik. Bəli, bu foto illər öncə xəbəri olmadan çəkilib və Elçin Cəfərova aiddir. O bunu təkzib etmir. Bir çoxlarımızın ev şəraitində çəkilən buna bənzər fotoları yəqin ki, mövcuddur. Bu cür şəkil çəkdirmək yox, onu şəxsi mənfəətlərinə görə ictimaiyyətə yaymaq əxlaqsızlıqdır.

Və nəhayət dediklərimizi əsaslandırmaq üçün sizə H.N. və Kazım Sübhan arasında fevral ayında reallaşan yazışmanın fotosunu göndəririk. Bununla da bu məsələnin açıqlığa qovuşacağını ümid edirik. Əks təqdirdə, H.N. məhkəmə qarşısında, Elçin Cəfərova vurduğu mənəvi zərərə görə cavab verməli olacaq. Bütün medya nümayəndələrinə və oxuyuculara, göstərdikləri diqqətə görə təşəkkür edirik.

Və belə əsassız və lazımsız xəbərlərin, bir daha milli mətbuatda yayımlanmamasını ümid edirik.