Türkiyənin səs sənətçisi Yavuz Bingöl sosial mediada onu təhqir edən şəxsi məhkəməyə verib.
AZXEBER.COM Türkiyə mətbuatına istinadən xəbər verir ki, buna səbəb məşhur sənətçi ilə bağlı sosial şəbəkədə paylaşılan xəbərin altında Alper A. adlı istifadəçinin "Sizin azadlıq anlayışınız öküzün ağlı qədərdir" sözlərini yazması olub.
Sənətçi təhqir edildiyini əsas gətirərək cinayət işi qaldırıb.
İfadə verən Alper A. ittihamedici şərhi yazıb-yazmadığını xatırlamadığını bildirib. Ona qarşı "səsli, yazılı və ya video mesajla təhqir" maddəsi ilə 2 ilə qədər həbs istənib və iş baxılması üçün İstanbul Adliye Cəza Məhkəməsinə göndərilib.
Aysel
