Bərdə rayon Mərkəzi Xəstəxanasının Doğum Şöbəsində doğuş zamanı körpə ölüb.
AZXEBER.COM oxu.az-a istinadən xəbər verir ki, 1981-ci il təvəllüdlü, Tərtər rayonu Səhləbad kənd sakini Əhmədova Gülxarə Əfqan qızı fevralın 21-də Bərdə doğum evinə 29-30 həftəlik hamiləlik, vaxtından əvvəl doğuş diaqnozu ilə daxil olub.
Doğuşdan bir neçə dəqiqə sonra yeni doğulmuş uşaq ölüb. Ölən körpə oğlan olub.
Məsələ barədə məhkəmə-tibbi ekspertizası təyin edilərək yeni doğulmuş uşağın meyitinə baxış keçirilib.
Faktla bağlı Bərdə rayon Prokurorluğunda araşdırma aparılır.
