Rəqibi Kamala Harrisə qalib gələrək ikinci dəfə ABŞ prezidenti seçilən Donald Tramp illik 400 min dollar maaş alacaq.
AZXEBER.COM Qərb mediasına istinadən xəbər verir ki, Trampın əsas qazancının sosial mediadakı paylaşımları və daşınmaz əmlak investisiyalarından gəldiyi məlum olub.
Trampa məxsus "Truth Social" platforması son aylarda sürətlə dəyər qazanıb.
Şirkətin səhmlərinin qiyməti ilin əvvəlindən 100 faizdən çox artıb və son bir ayda 85 faiz dəyər qazanıb.
Trampın sərvəti ilə bağlı müxtəlif fikirlər var. Onun sərvəti hazırda 6,49 milyard dollardır. Forbes jurnalı keçən həftə bu məbləği 8 milyard dollar olaraq qiymətləndirib.
"Wall Street Journal" isə bu rəqəmin daha yüksək olduğunu və Trampın sərvətinin 7,5 ilə 10 milyard dollar arasında ola biləcəyini irəli sürüb.
Trampın media şirkətindəki 114,75 milyon səhminin ümumi dəyəri kağız üzərində kifayət qədər yüksəkdir.
Tramp Media səhmlərinin dəyərinin qorunub saxlanılması və artırılması onun sərvətini qoruyub saxlaması üçün mühüm amil olacaq.
