Türkiyədə ekranlara çıxan populyar “Öyle bir geçer zaman ki” teleserialında Osman xarakterini canlandıran Emir Berke Zincidi aktyor agentliyinin sahibi olub.

Emirin sabiq maneken olan atası Berkant və anası Sevgi Zincidi oğullarının teleserialda uğur qazanmasından sonra İstanbulda “Zincidi Prodüksion və Cast” Agentliyi yaradıb. Teleserialın iyun ayında mövsüm finalından sonra aktiv fəaliyyətə başlayan agentlikdə 31 kişi, 25 qadın və 50 uşaq aktyor var. Dörd rus modelin də olduğu agentliyin internet saytında yazılıb ki, agentlik serialda Osmanın bacısı Berrini canlandıran Yıldız Çağrı Atiksoy, Karoline obrazını canlandıran Vilma Elles, Əhməd obrazını canlandıran Tolga Güleç və Hakan obrazını canlandıran Salih Bademçinin menecerliyini həyata keçirir. Zincidi ailəsi “Facebook” və “Twitter” kimi sosial şəbəkələrdə də açdıqları səhifələrin profillərində oğulları Emir Berke Zincidinin fotoşəkillərini yerləşdirir.

//lent.az