Kürdəmir rayonunda 5 nəfərin müxtəlif dərəcəli bədən xəsarətləri alması ilə nəticələnən yol qəzası baş verib.
BDYPİ-dən verilən məlumata görə, hadisə axşam saatlarında Bakı-Qazax magistral yolunun 200-cü kilometrliyində Kürdəmir rayonunun ərazisində qeydə alınıb.Belə ki, Ağdam rayon sakini Əhməd Qurbanovun idarə etdiyi “Mersedes” markalı minik maşını ilə Ağstafa rayon sakini Kənan Cəfərovun idarə etdiyi “Jiquli” markalı maşın toqquşub.Qəza nəticəsində hər iki maşının sürücüsü, “Jiquli”də olan sərnişinlər, Bakı şəhər sakinləri, 39 yaşlı İlhamə Məmmədova, 63 yaşlı Xanım Cəfərova və 60 yaşlı Xoşqədəm Əliyeva müxtəlif dərəcəli bədən xəsarətləri alıblar.Xəsarət alanlar dərhal Kürdəmir rayon Mərkəzi Xəstəxanasına çatdırılaraq onlara ilk tibbi yardım göstərilib.Qəzada hansı sürücünün günahkar olması hələlik məlum deyil.Faktla bağlı BDYPİ-nin istintaq və təhqiqat şöbəsində araşdırma aparılır.
