Müxalifət cəbhəsində özünətənqid, bir-birinə ittihamlar, birinin sözünün digərinin boğazından keçməməsi bu düşərgənin seçki hazırlıqlarından önə keçməkdədir.
Son günlər Milli Şurada baş verən söz qarşıdurmasının və siyasi çəkişmənin mərkəzində bu dəfə “Yeni Müsavat” qəzetinin baş redaktoru Rauf Arifoğlu dayanır.“Yeni Müsavat” qəzetinin baş redaktru ilə “El” hərəkatının rəhbərliyi arasnda “söz dueli” davam edir.“El” hərəkatı Ali Məclisinin sədri Eldəniz Quliyev “Yeni Müsavat” qəzetinin baş redaktoru haqqında növbəti ittihamları səsləndirib:“Eynulla Fətullayevin tutduğu mövqe ilə Rauf Arifoğlunun tutduğu mövqe arasında siz deyən bir o qədər də böyük fərq yoxdur.Bu cütlük müəyyən sifariş yerinə yetirir - bu sifariş görünən odur ki, Azərbaycanın demokratik qüvvələrinin Milli Şurası adlandırılan bir siyasi quruma zərbə vurmaq missiyası daşıyır.Bu, görünəndir, bu, faktdır. Rauf Arifoğlu sonra nə deyirsə, mən bunların hamısını rəy hesab edirəm.Çünki faktı dəyişmək olmaz, rəyi isə istənilən vaxt dəyişmək olar”.R.Arifoğlu isə öz növbəsində “El” hərəkatı haqqında bunları bildirib:“Bəli, biz iqtidarla bərabər, müxalifəti də tənqid edirik. Bunlarsa deyir ki, sən bizi tənqid edirsənsə, deməli, hakimiyyətə işləyirsən.Bu, demokratiya ilə söz azadlığı mədəniyyətinin çatışmazlığı sindromudur. Bunlar qəzeti təşviqatçı, təbliğatçı və hər zaman yanlarında istəyirlər.Bu isə belə deyil. Bu qəzetin başında özünün siyasi iddiaları olan, şəxsi iddiaları olan və korporativ iddiaları olan bir şəxs dayanıb. Bu, mənəm.Mən bu qəzetin şoferiyəm və mən bilirəm, mən təyin edirəm, mən müəyyənləşdirirəm ki, sükanı hara çevirəcəm.Buna görə kimsə mənə iddia edirsə, onun ağlı yoxdur”.Daha ətraflı bu süjetdə:
