Amerikalı alimlər son 20 il ərzində Birləşmiş Ştatlardakı zəhərlənmələrlə bağlı statistikanı arahdırıblar. Nəticədə onlar zəhərlənmələrə daha çox səbəb olan ərzaq məhsullarının "qara siyahı"sını hazırlayıblar.

Siyahı belədir:

1. Kolbasa və sosiskalar. Bu ərzaq məhsullarında çoxlu "qapalı" piylər və yağlar olduğundan insanda izafi çəki ilə xolesterin artıqlığı yaradır. Üstəlik kolbasalarla sosiskaların tam əksəriyyətində əti soya, nişasta, donuz piyi, yağlar, heyvan dəriləri ilə əvəzləyirlər.

2. Zeytun. Qara zeytun alanda çox diqqətli olun, çünki fırıldaqçı şirkətlər yaşıl zeytunu əksər vaxt dəmir-qlükonatın içinə saralaraq "qara" edirlər. Bu isə insan orqanizmində ağır zəhərlənmə yaradır.

3. Kartof. Kartof patogen mikrobları sürətlə özünə çəkir.

4. Pendir. Ev şəraitində, pasterizə edilməmiş süddən hazırlanmışpendirdə patogen mikroblar çox ola bilər. "Feta", "bri", "kamamber" pendirlərindəki patogen mikroblar hamilə qadınların uşaq salmasına, qocaların və immuniteti zəif insanların isə ağır xəstələnməsinə səbəb ola bilər.

5. Dondurma. Dondurma satıcıları soyuducuları vaxtında yuyub təmizləmədiklərindən, üstəlik son istifadə vaxtı çoxdan başa çatmış dondurmaların üzərindəki rəqəmləri dəyişməklə satmağa "tənbəllik" etmədiklərindən bu qida vasitəsilə salmonella, stafilokokk və listeriya bakteriyaları sürətlə yayılır.

6. Hisə verilmiş ət. Belə ətdə kanserogenlər və konservantlar çoxdur. Uşaqnlara şisə verilmiş ət verməməəyə çalışın. Belə ətlərdə mikrob olarsa, həmin uşaq böyüyəndən sonra onda bağırsaq xərçəngi yarana bilər.

7. Yumurta. Yaxşı bişirilməyəndə yumurtada salmonella bakteriyası yaranır. Bundan başqa, satışdakı yumurtaların bəziləri müvafiq istehsal qaydalarını pozan şirkətlər tərəfindən alıcılara təqdim oluna bilər.

8. Krab çöpləri. Bilin ki, dükanlardan "krab çöpləri" kimi aldığınız ərzaq krabdan yox, tərkibindən balığın belə, az olduğu balıq farşından hazırlanıb. Satışda olan krab çöpləri əsasən su, nişasta, duz, şəkər, aromatizatorlar, boyalar, dad gücləndiricilər, konservantlar və stabilizatorlardan ibarətdir.

9. Pomidorlar. Bu tərəvəzdə salmonella və noroviruslar tez-tez "məskən" saldığından, həmin bakteriyalar ağır zəhərlənmələr yaradır. Ona görə də qabığı zədəsiz və çatsız pomidor seçin.

10. Göyərti. İnanmağınız çətin olsa da, göyərtilər zəhərlənmələrə səbəb olan qidalar arasında "lider"dir. Zərərli bakteriyalar və viruslar torpaqdan göyərtiyə düşür, yarpaq və gövdədə yığılıb qalır.

Amerikalı alimlərin apardıqları tədqiqatlar yalnız Birləşmiş Ştatlara aid deyil.
Milli.Az xəbər portalı bildirir ki, həmin məsləhətlər Azərbaycanda da aktualdır. Belə ki, Respublika Gigiyena və Epidemiologiya Mərkəzi, Kənd Təsərrüfatı Nazirliyi və habelə Azərbaycan İstehlakçılar Birliyinin gəldiyi qənaətlər də faktiki olaraq, identikdir.

Mütəxəssislərin dediklərinə görə, istehlakçılar ərzaq və qida məhsulları alarkən həddən ziyadə diqqətli olmalı, onların saxlanma tarixi ilə yanaşı, saxlandıqları şəraitə də diqqət yetirməlidir./// milli.az