Özbəkistan əlifbasını dəyişdi
DÜNYA
01:12 11.09.2026
94
AZXEBER.COM xəbər verir ki, "Özbəkistan Respublikasının "Latın qrafikasına əsaslanan özbək əlifbasının tətbiqi haqqında" Qanununa müvafiq dəyişikliklər edilib.
Bu dəyişikliklər latın qrafikasına əsaslanan özbək əlifbasının 26 hərf və üç hərf kombinasiyası əvəzinə 28 hərf və bir apostrofdan ibarət olmasını nəzərdə tutur.
Rəsmi bəyanatda vurğulanır ki, parlamentarilər artıq bu təşəbbüsü təsdiqləmək üçün səs veriblər. Keçid dövrü də nəzərdə tutulur: köhnə əlifbadan istifadə edən sənədlər, əskinaslar, qiymətli kağızlar, eləcə də mövcud işarələr və dövlət rəmzləri dəyişdirilənə və ya fiziki olaraq köhnələnə qədər dövriyyədə qalacaq. Senat hesab edir ki, bu qərar rəqəmsal mühitdə özbək dilinin inkişafını dəstəkləyəcək və onun istifadəsini sadələşdirəcək. Sənəd tezliklə imzalanmaq üçün dövlət başçısına təqdim olunacaq.
OXŞAR XƏBƏRLƏR
