Ukrayna ordusu Novorossiyskdə Rusiya hərbi-dəniz bazasına zərbə endirib.
AZXEBER.COM xəbər verir ki, bu haqda Ukrayna Prezidenti Volodimir Zelenski məlumat verib.
O bildirib ki, Ukrayna ordusu bu gecə cəbhə xəttindən 300 kilometrdən çox məsafədə yerləşən Novorossiyskdəki hərbi-dəniz bazasına qarşı xüsusi əməliyyat keçirib.
Zelenskinin sözlərinə görə, Ukraynaya məxsus pilotsuz uçuş aparatları (PUA), "Neptun” raketləri və pilotsuz dəniz sistemləri müəyyən edilmiş hədəfləri uğurla vurub.
O qeyd edib ki, zərbələr nəticəsində hava hücumundan müdafiə mövqeləri, limandakı rıhtımlar və dəniz limanının infrastrukturu hədəfə alınıb.
Zelenskiy Novorossiyski Rusiyanın Qara dənizdəki donanmasının "son əsas bazası” kimi xarakterizə edib.
