Müğənni Üzeyir Mehdizadə "Günə bax" verilişində qonaq olub.
AZXEBER.COM xəbər verir ki, uzun zaman sonra canlı efirdə qonaq olan Üzeyir illərlə sənətdə yaşadığı sıxıntılardan danışıb.
Müğənni ona qarşı olan qərəzli münasibətlərə toxunub:
"Əvvəllər mənə çox basqı olunurdu. Özümə də maraqlı gəlirdi ki, axı niyə? sonunda anladım ki, effekt verən bir şey çox müzakirə olunur. Bunun içində tənqid də olur. Amma hər şeyə hörmətlə yanaşmaq lazımdır. İşin ən bərbad tərəfi o olub ki, bu qınaqlar mənə qarşı qərəzli şəkilə olub. Mənə sənətçi yox, cani kimi davranırlar. Mən mahnı oxumuşam axı, pis nə etmişəm? Baxıram mənə davranılan kimi indi kiməsə davransalar, mən narahat olaram. Mənim də bəzi tamaşaçılarım nə vaxt məni görsələr irad bildirirdilər ki, verilişlərdə səni aşağılayanda biz narahat oluruq. Sən niyə ora gedirsən? Niyə susursan? Bu da çox vaxt aldadıcı verilişlərdə olub. Nə qədər olar ki, gedəsən sənə təzyiq göstərələr. Bunların hamısı qurulmuş səhnələr idi. Çox çirkinliklər baş verir. Son zamanlar görürəm ki, kim ki, yalan danışır onların işləri yaxşı gedir. İnsanlar da onları çox sevir. Adlarını çəkməyəcəm amma "youtube"nin texniki tərəflərini yaxşı bilən biri kimi deyim ki, çoxu müdaxilə edilərək ilk pillələrə çıxır. Təbbi yolla və həqiqi baxış sayı yığanlar isə çəkilib kənara, sakit dayanıb".
Aysel
