Cəlalə Nəzəroğlu: "Qadının döyülməsinə səbəb onun savadsızlığı və acizliyidir" - VİDEO

Cəlalə Nəzəroğlu: "Qadının döyülməsinə səbəb onun savadsızlığı və acizliyidir" - VİDEO
SOSİAL
15:15 05.11.2019
23841

AZXEBER.COM-un "Uğurlu Qadın" rubrikasının qonağı tanınmış telejurnalist, "Libraff" Mağazalar Şəbəkəsinin direktoru Cəlalə Nəzəroğludur. 

 

- Cəlalə xanım, özünüzü oxucularımıza necə təqdim edərdiz?

- Cəlalə Nəzəroğlu Natiqqızı Masallı rayonunda anadan olmuşam. Oğuzda böyümüşəm. Bakı Dövlət Universiteti Jurnalistika fakültəsində təhsil almışam. Magistr təhsilimi Xəzət Universitetində almışam. Jurnalistika fəaliyyətimə təcrübəçi kimi 2002-ci ildə Azərbaycan radiosunda başlamışam. Diksiya Akademiyasının təsisçisiyəm. Eyni zamanda hazırda"Libraff” mağazalar şəbəkəsinin direktoru vəzifəsində çalışıram.

- Layihəmizin adı "Uğurlu qadın”dır. Özünüzü uğurlu qadın hesab edirsiz?

- Çevrəmdəkilərin rəylərinə əsasən, özəlliklə də son illəri nəzərə alsaq, bəli özümü uğurlu qadın hesab edirəm.

- Uzun illər "Xəzər” televiziyasında aparıcı olaraq fəaliyyət göstərmisiniz. İndi isə efirdən kənardasınız. Kənardan TV-lər necə görünür?
 

- "Xəzər” televiziyasından 2012-ci ildə analıq məzuniyyətinə çıxmaqla ayrıldım. Təxminən, bir il yarım övladımla məşğul oldum. Daha sonra "İnteraz” televiziyasından iş təklifi gəldi. Mən düşünürəm ki, bir yerdə 5 ildən artıq qalmaq düzgün deyil. 

 

 

Televiziyalarımız 10 il əvvəl necə idisə, indi də elədir. Yenə də tamaşaçını yanlış olaraq aşağı səviyyəli adlandırıb, verilişlərin də səviyyəsini yüngülləşdirirlər. Mən heç vaxt nə tamaşaçı, nə də dinləyici haqqında bu təhqiramiz yanaşmanı qəbul etməmişəm: Biz tamaşaçıya nə veririksə, onlar da onu qəbul edir. Sizin bu layihə "Uğurlu qadın” adlanır, baxın siz bunu tamaşaçıya və oxucuya təqdim edirsiz, ancaq başqa şey də təqdim edə bilərdiniz. Yəni, ana balalarını qoyub, evdən qaçdı və başqa mövzulardan insanlar yorulub. Şəxsən mən o cür verilişlərə baxmıram, elə xəbərləri də oxumuram.

- Yenidən TV-yə qayıtsanız, seçiminiz hansı kanal olar?

- "Xəzər” televiziyası mənim ilk sevgim, ilk iş yerim olub. Düşünürəm ki, həmin telekanaldan təklif gələrsə, heç olmasa həftədə bir dəfə efirə çıxa bilərəm.

  

 

 

 

- Hazırda "Libraff”ın direktorusuz. Sizin təyinatınızdan sonra xəbər saytları bu məlumatı "Kəmaləddin Heydərovun oğlu tanınmış teleaparıcıya vəzifə verdi” başlığı ilə yayımladı. Bunu necə qarşıladınız?

- Mənim çox vaxt yazdığım statuslar xəbərə çevrilir, artıq bu hala öyrəncəliyəm (gülür). "Libraff”a təyinatımla bağlı sosial şəbəkədə status yazdım və görüşə girdim. Görüşdən sonra gördüm ki, bütün mətbuat mənim statusumu başqa istiqamətə çəkib və xəbər hazırlayıb. Bundan sonra status yazarkən daha diqqətli olmağa çalışacam (gülür).

- Bir az da şəxi həyatınızdan danışaq. Qız uşaqları atalarına bağlı olur. Atanızı itirdikdən sonra hansı çətinlikləri yaşadınız?

- Hədəf qoyub, gecəmi-gündüzümə qatıb, ona doğru getməyimin tək səbəbi atam olub. Deyirlər ki, hər bir uğurlu kişinin arxasında qadın dayanır. Niyə bunu hər bir uğurlu qadının arxasına uğurlu kişi dayanır demirlər? Mən olsam "hər bir uğurlu qadının arxasında sevgi dolu bir kişi dayanır” deyərdim. Bu şəxs sevgiliniz, həyat yoldaşınız, qardaşınız və atanız ola bilər. Mənim həyatımdakı o kişi atam idi.

 

 

 

 

- Həyatınızın çətin anları çox olub. Bizə məlum olan isə alpinist Baburu itirməyinizdir. İstərdim ki, bir az bu haqda danışaq...

- Babur mənim qardaşımın dostu idi. Mən onu baıaca qardaşım kimi qəbul edirdim. Məndən kim neçə qardaşın var deyə soruşanda, 3 qaraşım var deyib, Baburu onlardan ayırmırdım. Hətta bəzən hiss edirdim ki, Baburu onlardan da çox istəyirəm. Hər şey çox anidən oldu və Baburun itkisi məni çox yandırdı. Çünki, aylarla onun axtarışı davam etdi və onlarla bağlı hər məlumat, hər xəbər insanı yerində oynadırdı. Ondan ötrü çox darıxıram. İşin ən pis tərəfi odur ki, Baburun ölüm xəbərini anasına istəmədən mən çatdırdım. Baburu aparan maşının arxasınca gedən maşın mən oldum. Hər şey çox qəribədir, nə vaxt nəyin olacağını heç kim bilmir.

 

 

 

 

- Demisiz ki, həyat yoldaşınız sosial şəbəkə istifadəçisi deyil. Hətta sizə də ilk vaxtlar qadağa qoyub...

- Sosial şəbəkə profilimi açdığım gün bizim evimizdə böyük həngamə olmuşdu (gülür). Səs-küy hər yeri bürümüşdü. Kənardan eşidən elə bilərdi ki, böyük bir qəbahətli iş görmüşəm (gülür). Sosial şəbəkə ilə bağlı evimizdə uzun müddət mübahisələr olurdu. Ancaq mən geri addım atmadım. Mənim yanaşmam fərqlidir. Əgər bir iş Allah qatında günah deyilsə, deməli onu etmək olar.

- Belə bir deyim var ki, qadın üçün analıq ən ali hissdir. Bəs sizcə də bu belədir?

- Mən hər zaman fikirləşirəm ki, övladımı niyə dünyaya gətirdim? Yavaş-yavaş bu sualıma cavab tapıram. Mən hiss edirəm ki, analıq hissinin dadına baxmaq üçün övladımı dünyaya gətirmişəm. Hər bir işləyən analar kimi, mənim də ürəyimdə vicdan əzabı var. Onu ört-basdır etmək üçün isə əlimdən gələni edirəm. İşdən sonrakı vaxtımı ancaq övladıma ayırıram.


 

 

 

- Son zamanlar boşanmaların sayı sürətlə artır. Bunu müxtəlif səbəblərlə izah edirlər. Bəziləri deyir ki, kişilər uğurlu qadınları qəbul edə bilmirlər. Siz evdə və işdə uğur qazanmış qadın olaraq bunu necə şərh edərdiniz?

- Mən kişilərin qadın üzərində şiddət və zorakılığını qadıların savadsızlığı və güvənsizliyi ilə əlaqələndirirəm. Öz ayaqlarının üzərində dura bilən heç bir qadın əri tərəfindən əzilmir, döyülmür. Ümumiyyətlə, mən deyərdim ki, şiddətə biz özümüz icazə veririk. Əgər icazə verməsək, onlar bizi nə döyə bilər, nə də təhqir edə bilər. Hər bir qadın özünə hörmət etməlidir. Əgər bir kişi ilə yaşamaq alınmırsa, onunla yaşamaq lazım deyil.

- Son olaraq gənc qızlara nə məsləhət görərdiz?

- Gənc qızlara ilk məsləhətim, özlərini sevmələridi. Özlərini sevib, vaxt ayırsınlar.Ən əsası isə heç vaxt ağlamasınlar. Özlərini əzdirməsinlər. Heç bir kişi onların göz yaşlarına layiq deyil.

Günel Hüseynli,
AZXEBER.COM

OXŞAR XƏBƏRLƏR
ƏN SON XƏBƏRLƏR
İndoneziya ticarət sazişi çərçivəsində ABŞ-dən 15 milyard dollarlıq enerji alacaq
23:57 15.07.2025
İndoneziya ticarət sazişi çərçivəsində ABŞ-dən 15 milyard dollarlıq enerji alacaq
Yekaterinburqdakı Azərbaycan diasporunun rəhbəri Şahin Şıxlinskinin oğlu saxlanılıb, təfərrüatlar məlum oldu
23:49 15.07.2025
Yekaterinburqdakı Azərbaycan diasporunun rəhbəri Şahin Şıxlinskinin oğlu saxlanılıb, təfərrüatlar məlum oldu
Cəlilabadda içməli suyun verilişi bərpa olundu
23:37 15.07.2025
Cəlilabadda içməli suyun verilişi bərpa olundu
Mehdinin ölüm xəbərini eşidən anası da vəfat etdi - FOTO
23:16 15.07.2025
Mehdinin ölüm xəbərini eşidən anası da vəfat etdi - FOTO
Tramp: ABŞ Ukraynaya uzaqmənzilli raketlər ötürmək niyyətində deyil
22:57 15.07.2025
Tramp: ABŞ Ukraynaya uzaqmənzilli raketlər ötürmək niyyətində deyil
Yekaterinburqda saxlanılan azərbaycanlıların həbs müddəti 3 ay uzadılıb
22:35 15.07.2025
Yekaterinburqda saxlanılan azərbaycanlıların həbs müddəti 3 ay uzadılıb
Tramp: Zelenski Moskvaya zərbə endirmək barədə göstəriş verməməlidir
22:25 15.07.2025
Tramp: Zelenski Moskvaya zərbə endirmək barədə göstəriş verməməlidir
Xəstəxanaya yerləşdirilən Xalq artistinin son durumu açıqlandı
22:07 15.07.2025
Xəstəxanaya yerləşdirilən Xalq artistinin son durumu açıqlandı
“Neftçi” ekvadorlu futbolçunu transfer etdi
21:58 15.07.2025
“Neftçi” ekvadorlu futbolçunu transfer etdi
Cəlilabaddakı meşə yanğınında xəsarət alan şəxs xəstəxanadan evə buraxıldı
21:51 15.07.2025
Cəlilabaddakı meşə yanğınında xəsarət alan şəxs xəstəxanadan evə buraxıldı
Binəqədi qəsəbəsində fərdi yaşayış evində yanğın oldu
21:45 15.07.2025
Binəqədi qəsəbəsində fərdi yaşayış evində yanğın oldu
KİV: Çin Trampın hədələri fonunda Rusiyaya "daha dərin" dəstək vəd edib
21:37 15.07.2025
KİV: Çin Trampın hədələri fonunda Rusiyaya "daha dərin" dəstək vəd edib
Yekaterinburqdakı Azərbaycan diasporasının rəhbərinin oğlu saxlanıldı
21:27 15.07.2025
Yekaterinburqdakı Azərbaycan diasporasının rəhbərinin oğlu saxlanıldı
İlin ilk yarısında Azərbaycanda 162 nəfər qidadan zəhərlənib
21:15 15.07.2025
İlin ilk yarısında Azərbaycanda 162 nəfər qidadan zəhərlənib
Laçına köç edən analar və onların övladları üçün təlimlər keçirildi
21:02 15.07.2025
Laçına köç edən analar və onların övladları üçün təlimlər keçirildi
Üç rayonda küləkli hava şəraiti ilə bağlı elektrik enerjisinin verilişində fasilələr yaranıb
20:56 15.07.2025
Üç rayonda küləkli hava şəraiti ilə bağlı elektrik enerjisinin verilişində fasilələr yaranıb