Vətən xaini olan AXCP və Müsavatdan başqa digər siyasi partiyalar dövlət maraqlarını dəstəkləyirlər.
Bunu Milli Məclisin Regional məsələlər komitəsinin sədri Siyavuş Novruzov parlamentin bugünkü plenar iclasında "Azərbaycan Respublikasının 2026-cı il dövlət büdcəsi haqqında" qanun layihəsinin ikinci oxunuşda müzakirəsi zamanı deyib.
O xatırladıb ki, hər il yerli özünüidarəetmə sisteminə ayrılan vəsaitlərdə artımlar olurdu, dotasiyalar verilirdi:
"Lakin 2026-cı ilin büdcəsində bu artımlar nəzərə alınmayıb. Hesab edirəm ki, büdcədən bu sistemə ayrılan vəsaitin artırılması daha yaxşı olar".
Deputat siyasi partiyalara da daha çox vəsaitin ayrılmasını təklif edib:
"Vətən xaini olan AXCP və Müsavat istisna olmaqla, digər siyasi partiyalar Azərbaycan dövlətinin maraqlarını dəstəkləyirlər. Ona görə siyasi partiyalara ayrılan vəsaitin də artırılması daha münasib olardı".
///report
