Bu gündən etibarən Günəş artıq Balıq bürcünə keçəcək və 1 aylıq Balıqlar dövrü başlayacaq.
AZXEBER.COM Türkiyə mətbuatına istinadən xəbər verir ki, bu barədə türkiyəli astroloq Dinçer Güner paylaşım edib.
O, paylaşımda bildirib:
"Günəş Balıq bürcündə olarkən, özümüzü daha çox dalğın, emosional və ya mənəvi məsələlərə meylli hiss edə bilərik. Məntiq arxa plana keçərkən, intuisiya, xəyallar və daxili səsimiz güclənəcək.
Daha çevik olmaq və həyatın bizə gətirdiklərini qəbul etmək lazım ola bilər. Nəzarət edə bilmədiyimiz şeyləri məcbur etmək çox kömək etməyəcək.
Əksinə, hər şeyi buraxmağı öyrənmək, intuisiyamıza güvənmək və bir az da daxili dünyamıza qayıtmaq üçün ideal vaxtdır. Bəzən rasional qərarlarla deyil, daxili səsinizin rəhbərliyi ilə doğru yolu tapa bilərsiniz.
Biz başqalarının hislərini daha dərindən dərk edə biləcəyik və köməyə daha çox ehtiyacı olanlara dəstək olmaq istəyəcəyik. Bununla belə, diqqətli olmaq lazım olan bir məqam var: Həddindən artıq empatiya bəzən öz sərhədlərimizi unutmağa və başqalarının emosional yükünü daşımağa səbəb ola bilər.
Eyni zamanda, bu proses zamanı bastırılmış duyğular üzə çıxa bilər.
Həm də daxili dünyamızla üz-üzə gəlmək və köhnə yaraları sağaltmaq üçün əlverişli zamandır. Xüsusilə, incəsənət, musiqi və meditasiya kimi sahələrə müraciət etmək həm ruhumuzu qidalandıracaq, həm də bu prosesdə daxili dincliyimizi artıracaq.
Xəyallarımız daha mənalı ola bilər və bəzi mesajları ehtiva edə bilər.
Normalda məntiqli hərəkət edənlər belə, bu dövrdə intuisiyalarına daha çox güvənərək, "Mən bunu etmək istəyirəm” deyə bilərlər. İlham və yaradıcılıq da arta bilər.
Sənətlə məşğul olanlar üçün mükəmməl dövrdür. Yaradıcı layihələrdə böyük irəliləyiş əldə etmək olar. Rəsm çəkmək, musiqi ilə məşğul olmaq, yazmaq və təxəyyülünüzü istifadə etmək üçün əla vaxtdır".
Oksana
