Türkiyənin Konya əyalətində 10-cu övladının da qız olduğunu öyrənən kişi həyat yoldaşından ayrılıb.
9 qızı olan ata uzun müddət oğlu olmasını arzulayıb. O, 6 aylıq hamilə olan həyat yoldaşının yenə də qız dünyaya gətirəcəyini öyrənəndə ailəsini tərk edib.
38 yaşlı Suzan Bulut övladları ilə sellafondan düzəldilmiş komaya sığınıb. Çarəsiz ana övladları ilə birlikdə küçələrdən kağız yığaraq gündə 15-20 lirə pul qazanır. Onu da məktəbə gedən 4 uşağının geyiminə və arzaqa xərclədiyini deyən qadın vətəndaşların da yardım etdiyini bildirib. Qadın qeyd ki, hansısa sərxoşun yaşadıqları yerə girə biləcəyindən qorxur və tək arzusu bir evə sahib olmaqdır.
Suzan Bulut əri Muhittin Bulutla bir-birlərini sevib evləndiklərini deyərək sözlərinə davam edib: ”Ərim həmişə oğlan övlad arzulayırdı. Amma 9 qızımız oldu. 10-cu uşağın da qız olduğunu ona deyəndə uşağı dünyaya gətirməyimə razı olmadı. Əmisi qızını ikinci arvad olaraq alacağını dedi. Mən də onun ikinci dəfə evlənəcəyini qəbul etmədim. 10-cu qızım dünyaya gələndə bizi tərk edib getdi”.
Qadın bildirib ki, əri evi tərk edəndə rayondakı plana düşən evdə qalırlarmış. Lakin ev dövlət tərəfindən söküldükdən sonra, elə yaxınlıqda taxta və klyoklardan daxma düzəldərək orada qalıblar. Qadın 20 yaşı olan ən böyük qızının ailə qurub getdiyini, hazırda ən kiçiyi 1.5 yaşında olan 9 qızı ilə birlikdə yaşadığını deyib.
