Bir müddət əvvəl 14 yaşlı Ruslanın narkotik qəbul edərək küçədə yatan yerdə fotosu yayılmışdı. Polis əməkdaşları tərəfindən tapılan azyaşlı Respublika Narkoloji Mərkəzinə yerləşdirilib və hazırda müalicəsi davam edir.
2-3 yaşı olarkən Bərdədən paytaxta köçən Ruslan deyir ki, dolanmaq üçün bir müddət anası ilə birlikdə dilənib.
Ruslan iddia edir ki, böyüyəndən sonra dayısı onu narkotikə görə diləndirib və 10 yaşına çatanda artıq özü də narkotik istifadəçisinə çevrilib.
