Fransanın “Bugatti” avtomobil firması Frankfurt sərgisinə yeni modellə gəlmək niyyətindədir.AZXEBER.COM-un “caradisiac.com” saytına istinadla xəbərinə görə, “Veyron” modelindən uğur əldə edən firma onun daha güclü modelini ortaya qoymaq qərarına gəlib. Yeni avtomobil xarici görünüşünə görə indiki modeldən çox da fərqlənməyəcək. Lakin yeni texnologiyalar sayəsində onun kütləsi daha yüngül olacaq. 9.6 litrlik 1600 at gücü mühərrik isə 100 km/saata cəmi 2 saniyədə çatmağa imkan verəcək. Konstruktorların hesablamalarına görə, 16 silindrli mühərrik avtomobilə 460 km/saatdan çox sürət verə biləcək.Avtomobilin bu ilin sonunda baş tutacaq Frankfurt avtosalonunda təqdim edilməsi nəzərdə tutulub.
