Sərnişinlər “Cəfər Cabbarlı” stansiyasının girişindən istifadə edirdilər.
Bakı Metropoliteninin “28 May” stansiyasının əsas girişi açılaraq istifadəyə verilib.
Bu barədə metropolitenin mətbuat xidmətinin rəhbəri Nəsimi Paşayev AZXEBER.COM-a məlumat verib.
Qeyd edək ki, “28 May” metrostansiyası 2013-cü il iyul ayının 1-dən “2011-15-ci illərdə Bakı Metropoliteninin inkişafına dair Dövlət Proqramı”na uyğun olaraq aparılan tikinti işləri ilə əlaqədar təmirə bağlanmışdı.
Bundan əvvəl texniki problemlərlə əlaqədar girişin istismarının yubana biləcəyi vurğulanırdı. Sərnişinlər isə bu müddət ərzində “28 May” stansiyasının ikinci girişindən (Salatın Əsgərova küçəsi) və “Cəfər Cabbarlı” stansiyasının girişindən istifadə edirdilər.
