Dünyanın ən populyar sosial şəbəkəsi Facebook dəhşət, qətl və zorakılıq səhnələrinin yer aldığı videoların profillərə yüklənmələri ilə bağlı məhdudiyyətlərin birini ləğv edib. Qərar insan başı kəsilən videolara qoyulmuş yasaqla bağlıdır.
Facebook rəhbərliyi istifadəçilərdən belə videolarla bağlı çoxsaylı şikayətlər alandan sonra may ayında sözügedən tipli videoların yüklənməsini yasaqlamışdı.
Facebook rəhbərliyi "istifadəçilər belə videogörüntüləri hiddətlə pisləməkdə azaddırlar, lakin onların hiddəti yasağa səbəb ola bilməz".
İntiharların sayının azaldılmasına çalışan "Yellow Ribbon" təşkilatının nümayəndəsi, tanınmış psixoloq Artur Kessidi Facebook rəhbərliyinin qərarını"şok" adlandırıb.
"Belə görüntülərin cəmi bir neçə saniyəsi gənclərin psixologiyasında silinməz, fəsadlı izlər qoyur. Görüntülər nə qədər qorxuncdursa, onun izi bir o qədər pis olur", - A.Kessidi deyib. (milli.az)
