Özünü oğurlanmış kimi göstərməyə çalışan ispaniyalı qadın həbs olunub.
Yeni İl bayraımndan bir qədər əvvəl itkin düşmüş qadının ərinin mobil telefonuna fotoşəkil gəlib. Həmin fotoda qadının əl-ayağı bağlı vəziyyətdə idi. Az sonra gələn SMS-də isə 20 min avro pul tələb olunur, biçarə ərdən heç bir halda polisə xəbər verməmək istənilirdi.
Ər bu xəbərdarlığı qulaqardına vuraraq başına gələnləri polislərə danışıb. Arvadı qaçıranlara veriləsi pulların olduğu çantaya izləmə qurğusu yerləşdirilib. Polis bu qurğu vasitəsilə oğruların izinə düşüb. Avtomobil Aralıq dənizinin sahilindəki Qandia şəhərində tapılıb.
Maşının sükanı arxasında isə yanında pul çantası olan "oğurlanmış qadın" vardı.
Qadın ilk əvvəl "o insanlar məni azad buraxdılar" desələr də, sonradan cinayəti özü hazırladığını boynuna alıb. Qadının dediyinə görə, ərinin ona görə nələrə hazır olduğunu yoxlamaq istəyirmiş. Alınan pulları isə o, Yeni İl bayramlarında dükanlarda alış-verişə xərcləmək niyyətində olub.//milli.az
