Yorulanda ruhum,
İntihar edəcəm mən də
Sınanmamış bir üsulla.
Demək olar ki, bütün ağıllı qəlblər
İntihar edərək rədd olub dünyadan
Mən ateist deyiləm,
Atama bənzətdiyim Tanrıdan inciyən bir uşağam.
Əgər Tanrı intihar edənləri və Nietzche-ni
Cəhənnəmə göndərirsə,
Cəhənnəmdə yanmağı üstün tuturam mən də.
Tanrı dürüstlüyü sevir...
Tanrının təxəyyülünü bəyənmirəm.
Mən Tanrı olsam,
Peyğəmbərləri göndərməz
Vasitəsiz danışardım insanlarla.
Mən Tanrı olsam,
Hitleri ürəyiyumşaq bir yəhudi olmaqla cəzalandırardım,
Yaxud istedadlı bir yazar...
Ürəyindəki pisliyi insanlara deyil
Kağızlara boşaltsın deyə.
Mən Tanrı olsam,
Dövlətləri yox edərdim,
Qızılgül qoxulu fərdlər qalardı ancaq,
Atlar çılğın zamanları ötüb keçərdilər.
Mən Tanrı olsam,
Düşüncə gücüylə hər kəsin
Arzuladığı qəhrəmana çevrilməsinə imkan verərdim.
Beləliklə, dünya bir şeirin yaradılış prosesinə çevrilərdi.
İnsanlar kimi iztirablara dözməyi öyrənə bilmədiyim üçün...
Cesar Mendoza ( Azərbaycan dilinə tərcümə etdi: İLAHƏ ƏKBƏRİ
