Amerika Psixoloji Assosiasiyasına aid bəzi qiymətləndirmələrə görə, "TikTok", "Instagram" "Reels" və "YouTube Shorts" kimi platformalarda uzun müddət qalmaq diqqətə və impuls nəzarətinə mənfi təsir göstərə bilər.
AZXEBER.COM xarici mətbuata istinadən xəbər verir ki, 71 tədqiqatda 98.000-dən çox iştirakçının məlumatlarını araşdıran tədqiqatlar göstərir ki, izlənilən qısa videoların sayı artdıqca diqqət müddəti qısalır və nəzarət mexanizmləri zəifləyir.
Mütəxəssislər bu platformalardakı alqoritmlərin tez-tez və sürətli dopamin ifrazını artırdığını və zehni yorğunluğa səbəb olduğunu irəli sürürlər.
Onların sözlərinə görə, bu, uzunmüddətli perspektivdə narahatlıq və stress səviyyələrini artıra bilər. Bununla belə, mütəxəssislər həmçinin "beyin çürüməsi" kimi terminlərin elmi cəhətdən dəqiq olmadığını və təsirlərin istifadə müddətindən və fərdi vərdişlərdən asılı olaraq dəyişə biləcəyini vurğulayırlar.
Aysel
