Qax rayonunda hamilə qadın özünü öldürdü. Rayon Prokurorluğundan verilən məlumata görə, hadisə bu gün Şotavar kəndində baş verib. Kənd sakini 22 yaşlıMinayə Balayeva özünü asaraq intihar edib. Mərhumu bu gün qardaşı həyətlərindəki mal tövləsində asılmış vəziyyətdə aşkarlayıb.
Mərhum M.Balayeva cəmi 4 ay əvvəl ailə həyatı qurubmuş. Lakin dünən ailə mübahisəsi nəticəsində ata evinə qayıdıb. Bu gün isə özünü öldürüb. M.Balayeva hamilə imiş.
Faktla bağlı Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb.
Kənd sakinlərinin Milli.Az xəbə portalına verdiyi məlumata görə, M.Balayeva 4 ay əvvəl toyuna bir gün qalmış öz nişanlısına qoşulub qaçıb. O vaxtdan əri işləmək üçün Bakıya gəldiyindən, onu da özü ilə gətirib. Dünən isə qaynanası ilə yola getməyən M.Babayevanı əri avtobusa mindirərək Qaxa yola salıb. Bu zaman ona cəmi 1 manat pul verib.
Ata evinə gələn qızı ailə üzvləri də xeyli danlayıb. Onu qoşulub qaçmağa görə ittiham ediblər. Bu gün isə qız özünü öldürüb...
//milli.az
